Xiaomi ဖုန်းအသုံးပြုသူများ အကြိုက်တွေ့စေမည့် Mi Max 2 ရဲ့ ထင်ရှားတဲ့ အချက် (၅) ချက်

In News, Xiaomi

မကြာခင်ရက်ပိုင်းကပဲ Xiaomi ရဲ့ Mi Max 2 Model အသစ်ကိုမိတ်ဆက်ပေးခဲ့တာ အားလုံးသိကြပြီးဖြစ်မှာပါ။ မကြာခင်အချိန် တပါတ်၊ နှစ်ပါတ်အတွင်းလောက်ဆိုရင် ပြည်တွင်းစျေးကွက်ကို Mi Max 2 များစတင်ဝင်ရောက်လာတော့မှာပဲဖြစ်ပါတယ်။ ဒါကြောင့် Mi Max 2 ကိုမျှော်လင့်စောင့်စားနေကြတဲ့ Fans တွေနဲ့၊ Mi Max 2 ကို ဝယ်ဖို့စဉ်းစားနေကြတဲ့မိတ်ဆွေတို့အတွက် ရွေးချယ်ဝယ်ယူရလွယ်ကူစေဖို့အတွက် Mi Max 2 ရဲ့ အဓိကရွေးချယ်ဖို့ကောင်းတဲ့ အချက် (၅) ချက်ကိုဖော်ပြလိုက်ရပါတယ်ခင်ဗျာ။

(၁) Mi Max 2 ဟာ ယခင် Mi Max မှာတုန်းကလိုပဲ 6.44″ ရှိတဲ့အတွက် Screen size ကြီးမားပြီး ပေါ့ပါးတဲ့ Design ရှိတာတွေ့ရမှာဖြစ်ပါတယ်။ ဒါ့အပြင် Mi Max 2 ဟာ Smartphone တလုံးဖြစ်ပေမယ့် စျေးကွက်ထဲမှာရှိတဲ့ အခြားပြိုင်ဘက် Smartphones များထက် 43% Display size ကြီးမားတာကြောင့်လည်း Screen size ကြီးကြီးကြိုက်တတ်တဲ့ Users များအတွက်ကတော့ အဓိကရွေးချယ်စရာတခုဖြစ်နေမှာပါ။

(၂) Power Bank တလုံးကဲ့သို့ ကြီးမားတဲ့ Battery Capacity ပါဝင်မှုဟာလည်း Mi Max 2 ကို ပိုပြီးလူကြိုက်များစေတဲ့အချက်တခုလို့ပြောရမှာပါ။ Mi Max 2 မှာ ယခင် Mi Max ထပ်ပိုမိုပြီး Battery Capacity ပိုကြီးမားပြီး အခြားပြိုင်ဘက် Smartphones များထက်လည်း Battery စွမ်းဆောင်ရည်ပိုမိုမြင့်မားတဲ့ 5,300 mAh Battery ကိုတပ်ဆင်အသုံးပြုထားတာဖြစ်ပါတယ်။

ဒါကြောင့် Mi Max 2 ကို အားအပြည့်သွင်းပြီး အသုံးပြုမယ်ဆိုရင် (၂) ရက်လောက်ကို Battery အသာလေးအသုံးခံနိုင်မှာဖြစ်ပါတယ်။

Battery Capacity များတာကြောင့် အားသွင်းရတာကြမှာလည်း စိုးရိမ်စရာမလိုပါဘူး။ ဘာကြောင့်လဲဆိုတော့ Mi Max 2 မှာ Quick Charge 3.0 အပြင် Parallel charging စနစ်ကြောင့် (၁) နာရီကို 68% အားသွင်းနိုင်မှာဖြစ်ပါတယ်။

(၃) Mi Max 2 ရဲ့ Body တခုလုံးကို သတ္တုကိုယ်ထည်အပြည့်အသုံးပြုထားခြင်းဟာလည်း Mi Max 2 ရဲ့ စွဲမက်ဖွယ်အချက်တခုလို့ပြောရမှာပါ။ ဒါ့အပြင် Mi Max 2 ရဲ့ နောက်ဘက်ကိုယ်ထည်အပေါ်နဲ့ အောက်ခြေဘက်မှာဆိုရင် ဖုန်း Antenna များကို Apple iPhone 7/ 7 Plus မှာလိုမျိုး Unibody Design နဲ့ လိုင်းများမြှုပ်ပြီး အလှဆင်ထားတာကိုတွေ့ရမှာဖြစ်ပါတယ်။

(၄) ယခင် Mi Max မှာ လူကြိုက်နည်းခဲ့တဲ့ Camera ပိုင်းကို ယခု Mi Max 2 မှာတော့ အတော်လေးအဆင့်မြှင့်ထားတာတွေ့ရပါတယ်။ ဒါကတော့ 12MP Sony IMX386, 1.25μm (Large pixel camera) ကိုအသုံးပြုထားတာဖြစ်ပါတယ်။ ၎င်း Mi Max 2 မှာအသုံးပြုထားတဲ့ Camera sensor ဟာ မကြာခင်ကထွက်ရှိထားတဲ့ Flagship ဖုန်း Mi 6 ရဲ့ Primary image sensor နဲ့အတူတူပဲဖြစ်ပါတယ်။

(၅) Mi Max 2 ရဲ့ နောက်ထပ်ထူးခြားတဲ့အချက်တခုကတော့ Stereo speaker (Dual speaker) အသုံးပြုထားခြင်းဖြစ်ပါတယ်။ ဒီနေရာမှာ Stereo speaker အကြောင်းအနည်းငယ်ရှင်းပြဖို့လိုအပ်မယ်ထင်ပါတယ်ခင်ဗျ၊ Mi Max 2 ရဲ့ Stereo speaker ဟာဒီတိုင်းသာမာန်အသုံးပြုစဉ်မှာ Stereo mode အလုပ်လုပ်မှာမဟုတ်ပါဘူး။ Landscape mode (Screen ကို အလျားလိုက်) အသုံးပြုတဲ့အခါမှသာ Stereo mode အလုပ်လုပ်မှာဖြစ်တဲ့ Intelligent stereo speaker ပဲဖြစ်ပါတယ်။

အဆိုပါ Mi Max 2 ကို RAM 4GB/ ROM 64GB နဲ့ RAM 4GB/ ROM 128GB ဆိုပြီး (၂) မျိုးထုတ်လုပ်ရောင်းချခြင်းဖြစ်ပြီး ပြည်တွင်းစျေးကွက်ကိုစတင်ဝင်ရောက်ချိန် ခန့်မှန်းစျေးနှုန်းများကတော့ Mi Max 2 4/64GB Model အတွက် 360,000 ~ 380,000 MMK ဝန်းကျင်နဲ့ Mi Max 2 4/128GB Model အတွက် 430,000 ~ 450,000 MMK ဝန်းကျင် ခန့်ရှိကြမယ်လို့ ခန့်မှန်းရပါတယ်။

ဟုတ်ကဲ့ခင်ဗျ … ဒီအချက်တွေလောက်ဆိုရင် Xiaomi Mi Max 2 ဖုန်းကို ဝယ်ရင်ကောင်းမလား (သို့မဟုတ်) စဉ်းစားရွေးချယ်ရခက်နေသူများအတွက် ရွေးချယ်စဉ်းစားတတ်လောက်ပြီလို့ထင်ပါတယ်ခင်ဗျာ။ 

You may also read!

[2017 Mi Product Launch] CPU Core i7 8th Generation အသုံးပြုထုတ်လုပ်လိုက်တဲ့ Mi Notebook Pro

မင်္ဂလာပါခင်ဗျာ… ဒီကနေ့ 2017 Mi Product Launch မှာ ပထမဦးဆုံးစတင်မိတ်ဆက်သွားတာကတော့ Mi Notebook Pro ပဲဖြစ်ပါတယ်ခင်ဗျ။ Xiaomi ဟာ Smartphones လောကကနေ Notebook PC လောကကို

Read More...

[2017 Mi Product Launch] ကမ္ဘာ့အလှဆုံးဖုန်းလို့တင်စားထားတဲ့ 18:9 Full Screen Display နဲ့ Mi Mix 2

မင်္ဂလာပါခင်ဗျာ… ဒီကနေ့ 2017 Mi Product Launch မှာ Xiaomi ရဲ့ ကမ္ဘာ့အလှဆုံးဖုန်းလို့တင်စားထားတဲ့ Mi Mix 2 ကိုမိတ်ဆက်ပေးခဲ့ပါတယ်။ မိတ်ဆက်ပေးစဥ်  အဆိုပါ Mi Mix 2

Read More...

[2017 Mi Product Launch] Snapdragon 660 အသုံးပြုထားပြီး Mi 6 အကြီးစားလို့ပြောလို့ရမယ့် Mi Note 3

မင်္ဂလာပါခင်ဗျာ… ဒီကနေ့ 2017 Mi Product Launch  မှာ Xiaomi ရဲ့ New Product (၃) မျိုးကို CEO ဖြစ်သူ Lei Jun မှ မိတ်ဆက်ပေးခဲ့တာဖြစ်ပါတယ်။

Read More...

Mobile Sliding Menu